អង់គ្លេស៖ ការចាប់ឆ្នោតវគ្គ៨ក្រុមចុងក្រោយនៃពានរង្វាន់ FA Cup ឆ្នាំ២០២៣ បានធ្វើឡើងរួចរាល់ហើយ ក្រោយបញ្ចប់ការប្រកួតវគ្គ ១៦ក្រុមចុងក្រោយជាផ្លូវការកាលពីយប់មិញនេះ។
លទ្ធផលចាប់ឆ្នោតវគ្គ ៨ក្រុមចុងក្រោយរួមមាន៖
Manchester City នឹងត្រូវជួបជាមួយ Burnley ៖ Manchester City បានឈានទៅកាន់ការស្វែងរកពាន FA Cup ជាលើកទី៧ របស់ខ្លួន ក្រោយទម្លាក់ Bristol City ដែលកំពុងលេងនៅលីគទី២ EFL Championship ក្នុងលទ្ធផល ៣-០ និងបន្តជួប Burnley ដែលទម្លាក់ Fleetwood Town នៃលីគទី៣ EFL League One ក្នុងលទ្ធផល ១-០។
Brighton ប៉ះជាមួយ Grimsby Town ៖ Brighton ដែលទម្លាក់ Stoke City ក្នុងលទ្ធផល ១-០ នឹងត្រូវជួបជាមួយក្លិប Grimsby Town មកពីលីគទី៣ EFL League One ដែលទម្លាក់ Southampton ក្នុងលទ្ធផល ២-១។
Sheffield United ជួបជាមួយ Blackburn Rover ៖ ក្រុមមកពីលីគទីពីរ EFL Championship ទាំងពីរនេះបានឡើងមកដល់វគ្គ ៨ក្រុមចុងក្រោយ បន្ទាប់ពីទម្លាក់ក្លិបនៅលីគកំពូលដូចគ្នា ពោលគឺ Sheffield United ទម្លាក់ Tottenham Hotspur ក្នុងលទ្ធផល ១-០ និង Blackburn ទម្លាក់ Leicester City ដោយលទ្ធផល ២-១។
Manchester United ប៉ះ Fulham ៖ បួនក្រុមដែលប្រជែងគ្នាក្នុងគូនេះសុទ្ធសឹងតែជាក្រុមនៃលីគកំពូល English Premier League។ Manchester United ដែលទើបឈ្នះពាន EFL Cup ក្តៅៗ បានវាយបកពីក្រោយ និងទម្លាក់ក្រុម West Ham ក្នុងលទ្ធផល ៣-១ ខណៈ Fulham ក្រុមដែលទើបឡើងមកលីគកំពូលបានទម្លាក់ Leeds ក្នុងលទ្ធផល ២-០។
សូមជម្រាបថា ការប្រកួតវគ្គ ៨ក្រុមចុងក្រោយនៃពានរង្វាន់ FA Cup នឹងធ្វើឡើងនៅថ្ងៃទី១៨ និង១៩ ខែមីនាខាងមុខនេះ៕
